Supernova gert að breyta nafni

Dómari í San Diego hefur gert hljómsveitinni Supernova að skipta um nafn, en samnefnd hljómsveit sem stofnuð var árið 1989 hefur staðið í málaferlum við fjölmiðlafyrirtækið CBC og félagana Tommy Lee, Jason Newsted og Gilby Clarke.

Komst dómarinn að þeirri niðurstöðu að viðkomandi aðilum væri héðan í frá óheimilt að flytja eða framleiða rokktónlist undir nafninu.

Það er þvi næsta víst að Magni mun ekki syngja með hljómsveitinni Supernova, þótt ekki sé loku fyrir það skotið að hann muni koma fram með Tommy Lee og félögum hans.

Hljómsveitin Supernova er helst þekkt fyrir lagið Chewbacca sem heyra mátti í kvikmyndinni Clerks, sem leikstjórinn Kevin Smith gerði árið 1994.

• 1 blogg um fréttina

Bloggað um fréttina

• Pálína Erna Ásgeirsdóttir: Enginn af fjórmenningunum mun syngja með Supernova