Ísraelskur höfundur vinnur verðlaun prinsins af Asturia

Ísraelski rithöfundurinn Amos Oz hlaut hinu virtu spænsku bókmenntaverðlaun, sem kennd eru við prinsinn af Asturia. Oz, sem bar sigurorð af Ismail Kadare, hlýtur 50.000 evrur í verðlaun. Hann er virtur friðarsinni, meðlimur vinstri hreyfingarinnar í Ísrael og var einn stofnenda ísraelsku Peace Now friðarhreyfingarinnar.

Oz nýtti tækifærið til þess að ítreka stuðning sinn við tveggja ríkja lausn á vandamálum Ísrael og Palestínu. „Í fjörutíu ár hef ég barist fyrir sögulegri málamiðlun milli Ísrael og Palestínu, byggða á tveggja-ríkja lausn. Ísrael hliðina á Palestínu í friði og gagnkvæmri virðingu,“ sagði hann.

Amos Oz er fæddur árið 1939 í Jerúsalem, en ólst upp á samyrkjubúi eftir að móðir hans lést. Hann hefur skrifað 18 bækur á hebresku, sem þýddar hafa verið á yfir 30 tungumál.

• Blogga um frétt