Oprah lang launahæsta sjónvarpsstjarnan

Bandaríski spjallþáttastjórnandinn Oprah Winfrey er launahæsta sjónvarpsstjarnan, en hún þénar fjórfalt meira en sá sem kemur næstur á eftir henni. Þetta kemur fram á nýjum lista sem Forbes tímaritið hefur birt.

Á milli júní 2006 og júní 2007 fékk Winfrey greiddar 260 milljónir dala að því er Forbes greinir frá.

Næstur á eftir henni kemur gamanleikarinn Jerry Seinfeld sem þénaði um 60 milljónir dala í fyrra.

American Idol dómarinn Simon Cowell er þriðji með um 45 milljónir dala. Þá eru þeir Jay Leno og Donald Trump einnig á meðal þeirra 10 launahæstu.

Listi yfir 10 launahæstu sjónvarpsstjörnurnar:

1. Oprah Winfrey - 260 milljónir dala
2. Jerry Seinfeld - 60 milljónir dala
3. Simon Cowell - 45 milljónir dala
4. David Letterman - 40 milljónir dala
5. Donald Trump - 32 milljónir dala
6. Jay Leno - 32 milljónir dala
7. Dr Phil McGraw - 30 milljónir dala
8. Judge' Judy Sheindlin - 30 milljónir dala
9. George Lopez - 26 milljónir dala
10. Kiefer Sutherland - 22 milljónir dala

• 4 blogg um fréttina

Bloggað um fréttina

• Gísli Foster Hjartarson: Hvar stendur okkar fólk?
• Haukur Nikulásson: Hvar eru húrrahróp femínistanna?
• Markús frá Djúpalæk: Löngu orðið tímabært
• Sóldís Fjóla Karlsdóttir: Millur.....!!!!!