Lag Örlygs Smára, This is my life , í flutningi Eurobandsins, bar sigur úr býtum í úrslitaþætti Laugardagslaganna, en úrslitin fóru fram í Smáralindinni í kvöld.
Lagið verður framlag Íslands í Söngvakeppni Evrópu sem fram fer í Belgrad í Serbíu 20., 22. og 24. maí 2008. Ísland tekur þátt í seinni undankeppninni 22. maí.
Í öðru sæti var lag Barða Jóhannssonar, Ho ho ho, we say hey hey hey, í flutningi Merzedes Club.
Í þriðja sæti var lag Dr. Gunna, Hvar ertu nú, í flutningi, Dr. Spock.
Rúmlega 100.000 tóku þátt í símakosningunni í kvöld.