Keppendum í raunveruleikaþætti dæmd laun

Óvíst er með framhald raunveruleikaþátta í Frakklandi eftir að Hæstiréttur þar í landi dæmdi þremur keppendum í Eyju freistinganna (e. Temptation Island) í hag. Keppendurnir kröfðust bóta þar sem ekki voru gerðir við þá launþegasamningar og á kröfuna féllst rétturinn.

Hverjum keppanda voru dæmdar ellefu þúsund evrur í bætur, eða um tvær milljónir króna, fyrir vinnuframlag sitt í þágu þáttarins. Var þar um að ræða laun samkvæmt kjarasamningum, yfirvinnu, orlof og bætur fyrir að vera sagt ólöglega upp, þ.e. brottrekstur úr þættinum.

Talið er að í kjölfar dómsins muni kröfum keppenda úr öðrum raunveruleikaþáttum rigna yfir, s.s. frönsku útgáfunum af Stóra bróður (e. Big Brother) og Stjörnuleit (Nouvelle Star).

• 
• Blogga um frétt