Hljómsveitin Of Monsters and Men hefur heldur betur slegið í gegn í Bandaríkjunum. Liðsmenn sveitarinnar greina nú frá því að hún muni koma fram í spjallþættinum The Tonight Show with Jay Leno þann 29. júní.
Þetta kemur fram á Facebook-síðu hljómsveitarinnar og segjast liðsmenn hennar vera fullir tilhlökkunar að fá að troða upp í þætti Lenos.
Hljómsveitin hefur gert það mjög gott í Bandaríkjunum og hefur m.a. komið fram í spjallþætti spaugarans Jimmy Fallon. Þá lauk hún nýverið tónleikaferðalagi um Evrópu.