Þolir ekki Justin Bieber

Leikarinn Orlando Bloom.
Leikarinn Orlando Bloom. mbl.is/AFP

Orlando Bloom þolir ekki Justin Bieber og segir hann ekki virða konur, að því er vefsíða Hollywood Life greinir frá.

Leikarinn reyndi að kýla Justin Bieber aðfaranótt miðvikudags á veitingastað á Ibiza.

Heimildarmaður sagði í samtali við Hollywood Life að Orlando sé alls ekki ofbeldisfullur að eðlisfari og sé mikill friðarsinni en geti hins vegar ekki þolað Justin Bieber vegna þess að honum þykir hann ekki koma fram við konur af virðingu.

Ekki er enn vitað hvers vegna slagsmálin hófust en talið er að það sé vegna fyrrverandi kærustu Orlandos Bloom, Miröndu Kerr, en hún sást snæða kvöldverð með Justin Bieber nýverið.

Eftir slagsmálin deildi Justin Bieber svo mynd af Miröndu Kerr á Twitter síðu sinni en eyddi myndinni fljótt en það ýtir undir þær getgátur að slagsmálin hafi verið vegna Miröndu Kerr.

mbl.is

Bloggað um fréttina