Áhugasamir um kvikmyndagerð eru hvattir til að mæta í Tjarnarbíó á morgun þar sem þeir geta myndað eða leikið og þannig lagt sitt af mörkum í nýja mynd bandaríska leikstjórans Cory McAbee sem er gestur á RIFF. Hann dreifði auglýsingum um viðburðinn í miðbænum í dag með misjöfnum árangri.

Hægt er að nálgast allar upplýsingar um tæknilegar kröfur sem eru gerðar um tökurnar ásamt leiðbeiningum til leikara sem hafa áhuga á að mæta á vef leikstjórans.

Viðburðurinn verður blanda af tónleikum og fyrirlestri McAbees um það sem hann kallar Deep Astronomy og gengur að hans sögn út á að finna stjörnurnar sem leynast innra með fólki. Myndin sem er í vinnslu nefnist Small Star Seminar og hafa tökur m.a. farið fram í Póllandi og á ýmsum stöðum í Bandaríkjunum.

McAbee hefur sýnt myndir sínar á Sundance hátíðinni og hefur víða haldið fyrirlestra um óhefðbundna nálgun á kvikmyndagerð. Þekktustu verk hans eru myndirnar: Stingray Sam og The American Astronaut.

mbl.is hitti McAbee á Skólavörðustígnum í dag þar sem hann breiddi út boðskapinn.

Tengdar fréttir

RIFF

RIFF í formlegt bandalag með sjö evrópskum hátíðum

• Ætlar að koma aftur með Blondie
• Fjórar íslenskar áfram á RIFFHeima
• RIFF heima í október
• Þarf að útrýma skömminni

» Fleiri tengdar fréttir

• Blogga um frétt