Breski poppsöngvarinn George Michael, sem fannst látinn á heimili sínu á jóladag, lést af náttúrulegum orsökum. Þetta kemur fram í úrskurði dánardómstjóra.

Veikindi fyrir hjarta og fita í lifur ollu dauða hans, samkvæmt Darren Salter, dánardómstjóra í Oxford-skíri, vestur af London.

Rannsókn á dauða Michael er nú lokið og ekki er þörf á frekari rannsóknum, að mati Salter.

Frétt af mbl.is

Of stór skammtur líklegasta dánarorsökin

AFP

Niðurstöður krufningar voru ófullnægjandi  

Niðurstöður krufningar skömmu eftir dauða popparans voru ófullnægjandi og tekið var fram að ráðast þyrfti í frekari rannsóknir á dauða hans.

Michael, sem var 53 ára þegar hann lést, starfaði sem tónlistarmaður í 35 ár og notaði fíkniefni stóran hluta þess tíma.

Samkvæmt dánardómstjóra greindist Michael með útvíkkunar-hjartavöðvakvilla (e. dialated cardiomyopathy) sem getur myndast vegna mikillar fíkniefnaneyslu. Kvillinn hefur áhrif á getu hjartans til að dæla blóði vegna þess að hjartavöðvinn hefur stækkað og veikst. Hann greindist einnig með hjartavöðvabólgu (e. myocarditis).

Tengdar fréttir

George Michael

Kærastinn fær ekki að koma í jarðarförina

• Blöskrar að símtalinu hafi verið lekið
• Telur dóp tengjast dauða Michaels
• Of stór skammtur líklegasta dánarorsökin
• Segir George Michael hafa viljað deyja

» Fleiri tengdar fréttir

• Blogga um frétt