Hin 43 ára gamla Kate Beckinsale er komin með nýjan pilt upp á arminn. Sá heppni heitir Matt Rife og er 21 árs gamall grínisti. Samkvæmt Entertainment Tonight sást til þeirra í eldheitum sleik í Hollywood í vikunni.
„Hann er yndislegur maður og gerir hana svo hamingjusama. Öll fjölskyldan telur hann vera indæla og ljúfa manneskju,“ sagði heimildarmaður og bætti því við að hann væri þroskaður miðað við aldur.
Beckinsale hætti með eiginmanni sínum eftir 11 ára hjónaband í lok árs 2015. Fyrir átti hún dótturina Lily með leikaranum Micheal Sheen. Lily er 18 ára, aðeins þremur árum yngri en nýi kærastinn.
A post shared by Matt Rife (@mattrife) on Jun 18, 2017 at 3:56pm PDT