Fókus hópurinn frumsýndi myndband við lag sitt Aldrei gefast upp í dag en hópurinn tekur þátt í Söngvakeppninni 2018 með lagið. Hópinn skipa þau Sigurjón Örn Böðvarsson, Rósa Björg Ómarsdóttir, Hrafnhildur Ýr Víglundsdóttir, Karitas Harpa Davíðsdóttir og Eiríkur Þór Hafdal. 

„Hugmyndin kviknaði við eldhúsborðið hjá Rósu á einum fundinum og var fljót að mótast. Hugmyndin snýst um að vinna með börnin okkar sem endurspegla okkur á svo margan hátt. Hægt er að horfa á þetta sem okkur í fortíð og nútíð eða  sem börnin okkar að fylgja sínum draumum. Áhorfandinn getur túlkað þetta á sinn hátt en textinn fjallar um að fylgja draumum sínum og aldrei gefast upp.“

Hópurinn lét ekki nægja að gera bara myndband við lagið heldur gerði hópurinn líka myndband sem sýnir bak við tjöldin. „Ég hef unnið við myndbandsgerð í tíu ár þannig að það var ekki langt að sækja það að skella í myndband,” segir Eiríkur en hann framleiddi myndbandið ásamt Árna Gylfasyni myndatökumanni. 

Hægt er að finna hópinn og fylgjast með undirbúningnum á Facebook, Snapchat og Instagram undir heitinu fokushopurinn.

Tengdar fréttir

Eurovision

Ísland tekur þátt í Eurovision 2025

• Söngvakeppnin haldin í Basel
• Segir Ísland líklegt til að vinna Eurovision 2025
• Loreen segir ekkert til í sögusögnum
• Kostnaðurinn 175 milljónir

» Fleiri tengdar fréttir

• Blogga um frétt