Veröld/Fólk | mbl | 9.2.2018 | 21:38 | Uppfært 12.2.2018 14:25

Fangar með 14 tilnefningar

Nína Dögg Filippusdóttir, Steinunn Ólína Þorsteinsdóttir og Unnur Ösp Stefánsdóttir eru allar þrjár tilnefndar fyrir leik sinn í Föngum, en sjónvarpsþáttaröðin hlýtur flestar Eddu-tilnefningar þetta árið, samtals 14. Ljósmynd/Lilja Jónsdóttir

Sjónvarpsþáttaröðin Fangar hlýtur flestar tilnefningar til Edduverðlaunanna í ár, samtals 14. Röðin er tilnefnd sem sjónvarpsefni ársins, leikið sjónvarpsefni, fyrir leikstjórn, handrit, leik kvenna í aukahlutverki, kvikmyndatöku, klippingu, hljóð, leikmynd, búninga, gervi og tónlist.

Edda Björgvinsdóttir er tilnefnd fyrir leik sinn í Undir trénu, en myndin hlýtur samtals 12 tilnefningar.

Fast á hæla Föngum fylgir kvikmyndin Undir trénu með 12 tilnefningar. Myndin er ásamt Svaninum og Vetrarbræðrum tilnefnd sem mynd ársins og síðan tilnefnd fyrir leikstjórn, handrit, leik í aðal- og aukahlutverki, klippingu, hljóð, brellur, leikmynd og tónlist.

Gríma Valsdóttir er tilnefnd fyrir leik sinn í Svaninum, en myndin hlýtur alls níu tilnefningar.

Þetta kemur fram í tilkynningu frá Íslensku kvikmynda- og sjónvarpsakademíunni (ÍKSA) þar sem allar tilnefningar ársins eru kynntar. Alls verða veitt verðlaun í 26 flokkum auk heiðursverðlauna á Edduverðlaunahátíðinni sem fram fer 25. þessa mánaðar á hótel Hilton Reykjavík Nordica og sýnd er beint á RÚV.

Bætt hefur verið einum flokki milli ára, þ.e. upptöku- eða útsendingastjórn. Líkt og á síðasta ári gefst almenningi kostur á að kjósa um sjónvarpsefni ársins.

Heiða Rún Sigurðardóttir er tilnefnd fyrir túlkun sína á Stellu Blómkvist, en samnefnd sjónvarpsþáttaröð hlýtur alls átta tilnefningar.

Kvikmynd

Svanurinn
Undir trénu
Vetrarbræður

Leikstjórn

Ása Helga Hjörleifsdóttir fyrir Svaninn
Hafsteinn Gunnar Sigurðsson fyrir Undir trénu
Ragnar Bragason fyrir Fanga

Leikari í aðalhlutverki

Elliott Crosset Hove fyrir Vetrarbræður
Jóhannes Haukur Jóhannesson fyrir Ég man þig
Steinþór Hróar Steinþórsson fyrir Undir trénu

Leikkona í aðalhlutverki

Edda Björgvinsdóttir fyrir Undir trénu
Gríma Valsdóttir fyrir Svaninn
Heiða Rún Sigurðardóttir fyrir Stellu Blómkvist

Leikari í aukahlutverki

Lars Mikkelsen fyrir Vetrarbræður
Sigurður Sigurjónsson fyrir Undir trénu
Þorsteinn Bachmann fyrir Undir trénu

Leikkona í aukahlutverki

Nína Dögg Filippusdóttir fyrir Fanga
Steinunn Ólína Þorsteinsdóttir fyrir Fanga
Unnur Ösp Stefánsdóttir fyrir Fanga

Handrit

Ása Helga Hjörleifsdóttir fyrir Svaninn
Huldar Breiðfjörð og Hafsteinn Gunnar Sigurðsson fyrir Undir trénu
Margrét Örnólfsdóttir og Ragnar Bragason fyrir Fanga

Kvikmyndataka

Jakob Ingimundarson fyrir Ég man þig
Martin Neumeyer fyrir Svaninn
Árni Filippusson fyrir Fanga

Klipping

Guðni Hilmar Halldórsson og Gunnar B. Guðbjörnsson fyrir Stellu Blómkvist
Kristján Loðmfjörð fyrir Undir trénu
Valdís Óskarsdóttir, Sigurður Eyþórsson og Sverrir Kristjánsson fyrir Fanga

Hljóð

Björn Viktorsson, Frank Mølgaard Knudsen og Sylvester Holm fyrir Undir trénu
Huldar Freyr Arnarson, Pétur Einarsson og Daði Georgson fyrir Fanga
Tina Andreas fyrir Svaninn

Tónlist

Daníel Bjarnason fyrir Undir trénu
Gunnar Örn Tynes og Örvar Smárason fyrir Svaninn
Pétur Ben fyrir Fanga

Brellur

Kontrast, Davíð Jón Ögmundsson, Sigurgeir Arinbjarnarson og Arnar Jónsson fyrir Stellu Blómkvist
Pétur Karlsson fyrir Svaninn
The Gentlemen Broncos, Alexander Schepelern, Emil Pétursson og Snorri Freyr Hilmarsson fyrir Undir trénu

Leikmynd