Hin 91 árs gamla Elísabet Englandsdrottning sat á fremsta bekk á tískuvikunni í London á mánudag. Við hliðina á henni sat önnur drottning, ritstýran Anna Wintour.
Ólíkt Elísabetu er Wintour ekki alvörudrottning þótt það megi segja að hún sé ókrýnd drottning tískunnar. Þykir Wintour jafnframt köld og er hún stundum kölluð ísdrottningin.
Elísabet virtist kunna vel við félagsskapinn og mátti sjá drottningarnar tvær brosa og spjalla saman. Fylgdust þær með tískusýningu Richard Quinn en Elísabet veitti honum verðlaun á sviði breskrar fatahönnunar.