Khloé Kardashian á von á sínu fyrsta barnið með kærasta sínum, Tristan Thompson. Barnið mun fæðast í Cleveland en parið býr þar þar sem Thompson leikur með Cleveland Cavaliers í NBA-deildinni. Raunveruleikastjarnan er á fullu að undirbúa fæðinguna.
Rétt eins og systir hennar Kim Kardashian ætlar Khloé að borða fylgjuna eftir fæðinguna. Fylgjan verður þó sett í töfluform áður en hún borðar hana. „Fylgjan mín var eins og tvöföld í stærð, hún var óvenjulega stór, svo hún gaf mér tvær krukkur,“ sagði Kim systur sinni í þætti af Keeping Up with the Kardashians eins og fram kemur á vef Daily Mail.
Kardashian systurnar eru ekki einu stjörnurnar sem eru hrifnar af fylgjuáti. Eiginkonur þekktra fótboltamanna eins og Coleen Rooney og Rebekah Vardy hafa einnig borðað fylgjurnar í töfluformi.
Á meðan fyrrnefndar konur hafa valið að innbyrgða fylgjuna í töfluformi sagðist Tom Cruise ætla að borða fylgjuna á staðnum þegar Katie Holmes eignaðist dóttur þeirra, Surie Cruise á sínum tíma.
Fylgjuna má þó ekki bara borða heldur má gróðursetja hana eða að minnsta kosti gerði leikarinn Matthew McConaughey. Hann fékk hugmyndina eftir að hafa séð fylgjutré á ferðum sínum í Ástralíu.