Bandaríski leikarinn Matt Damon er svo ósammála stefnu Donalds Trumps, forseta Bandaríkjanna, að hann ætlar að flytja með fjölskyldu sinni til Ástralíu.
Ástralskur fjölmiðill greindi frá því að Damon hefði keypt sér hús í New South Wales í Ástralíu en félagi hans Chris Hemsworth verður næsti nágranni hans.
Page Six greinir frá því að Damon sé byrjaður að segja vinum og samstarfsfólki sínu í Hollywood að hann sé að flytja til Ástralíu. „Matt segir að flutningarnir hafi ekki áhrif á vinnu hans, þar sem hann ferðast þangað sem verkefni hans eru tekin upp. Hann er líka að segja vinum að hann vilji öruggan stað til þess að ala upp börnin sín á,“ sagði heimildamaður.
Damon er þekktur fyrir að liggja ekki á pólitískum skoðunum og eins og margar stórstjörnur í Hollywood er hann ósammála Donald Trump í mörgu.