Leikarinn R. Lee Ermey sem er einna þekktastur fyrir hlutverk sitt í kvikmyndinni Full Metal Jacket er látinn, 74 ára að aldri.
Ermey var áður sjóliðsforingi en sneri sér svo að leiklistinni og tók oft að sér hlutverk hermanna og hershöfðingja á ferli sínum.
Umboðsmaður Ermey segir hann hafa látist vegna fylgikvilla lungnabólgu.
Ermey var fæddur árið 1944 í Kansas. Hann var í sjóhernum á sjöunda og áttunda áratugnum og fór meðal annars til verkefna í Japan og Víetnam á þeim tíma.
Hann fékk tilnefningu til Golden Globe verðlaunanna fyrir leik sinn í kvikmynd Stanleys Kubrick, Full Metal Jacket, sem var frumsýnd árið 1987.
Sagan segir að Ermey hafi fyrst í stað verið ráðinn að kvikmyndinni sem ráðgjafi enda með þekkingu á innviðum hersins. Hins vegar hafi hann heillað Kubrick upp úr skónum og í kjölfarið fengið hlutverk í myndinni.