Getur ekki haft samband við Meghan

Thomas Markle, faðir Meghan Markle, er duglegur að koma fram í fjölmiðlum og kvarta yfir því að geta ekki haft samband við dóttur sína. Í nýlegu viðtali segir hann konungsfjölskylduna koma í veg fyrir að hann geti haft samband við dóttur sína. 

Meghan á afmæli í byrjun ágústmánaðar og langar Thomas að senda henni afmæliskort. Hann hefur hins vegar áhyggjur af því að höllin muni ekki koma því til skila. Þau feðgin hafa ekki verið í samskiptum síðan daginn eftir hið konunglega brúðkaup í maí. 

Thomas sagði í viðtalinu að hann telji að það verði auðveldara fyrir Meghan ef hann dæi, þá muni hún fá samúðarkveðju frá öllum. Hann hefur áhyggjur af því að ef Meghan eignist börn fái hann ekki að hitta þau. „Hversu sorglegt er það, að hindra umgengni barnabarns og afa þess, af því að ég gagnrýndi konungsfjölskylduna í fjölmiðlum?" segir Thomas. 

• Blogga um frétt