Brjóstahaldari, bíllyklar að BMW og Louis Vuitton-veski eru á meðal þeirra óskilamuna sem fundust í Vestmannaeyjum um helgina. Venju samkvæmt fór þjóðhátíð fram í Vestmannaeyjum um verslunarmannahelgina og hefur lögreglan þar í bæ nú birt myndir af óskilamunum á Facebook-síðu sinni.
Í óskilamununum má finna nokkra misvel með farna síma, rafsígarettur, vettlinga, hús- og bíllykla, bakpoka af öllum gerðum og les- og sólgleraugu. Myndir af óskilamunum má finna á Facebook-síðu lögreglunnar í Vestmannaeyjum.