Kim Kardashian í g-streng frá síðustu öld

Raunveruleikaþáttastjarnan Kim Kardashian kemur alltaf á óvart. Í gær birti hún mynd af sér í g-streng, sem er svo sem ekkert nýmæli þar sem hún sprangar reglulega um fáklædd á samfélagsmiðlum. G-strengurinn er hins vegar frá síðustu öld. Hann er úr línu Gucci sem Tom Ford hannaði á tíunda áratug síðustu aldar og ef vel er gáð má sjá Gucci-merkið á mjóbaki Kim. 

Kim er þekkt fyrir að skapa sín eigin tískutrend. Nú virðist hún vera komin í endurvinnsludeildina því g-strengir sem þessir voru vinsælir í kringum aldamótin. Það er því aldrei að vita hvort við förum að sjá meira af nærfatnaði kíkja upp úr buxnastrengnum hjá fleirum en Kim.

• Blogga um frétt