Söngvara hljómsveitarinnar Arcade Fire, Win Butler, er margt til lista lagt, en hann mun þeyta skífum á skemmtistaðnum Húrra annað kvöld. Hann kemur fram undir plötusnúðanafni sínu DJ Windows 98. Geoffrey Þór Huntington-Williams, framkvæmdastjóri Húrra, tilkynnti um viðburðinn á Twitter.
Win Butler DJ-set á Húrra annað kvöld frá 00:30-02:30 pic.twitter.com/OPXomoqKzF
— Geoffrey Skywalker © (@Geoffreyskywalk) August 23, 2018
Butler spilaði með hljómsveit sinni Arcade Fire í Laugardalshöllinni á þriðjudaginn. Geoffrey sagði í samtali við Vísi að Thorsteinn Stephensen hjá Hr. Örlygi, sem flutti hljómsveitina til landsins, hafi komið þeim í samband við Butler.
Hljómsveitin Árstíðir verða með tónleika fyrr um kvöldið á Húrra og mun DJ Windows 98 taka við um klukkan hálfeitt og þeyta skífum í tvo tíma. Staðurinn tekur um 300 manns og sagði Geoffrey við Vísi að hann byggist við að staðurinn fylltist.