Meghan tekur sér pásu
Setja bókamerki
Hertogaynjan af Sussex, Meghan Markle, hefur ákveðið að draga úr skyldustörfum sínum næstu tvo daga í 16 daga opinberri ferð hennar og eiginmannsins, Harrys Bretaprins, um Ástralíu. Mun Markle þurfa á hvíld að halda vegna væntanlegs frumburðar hertogahjónanna. Þetta kemur fram í tilkynningu frá Kensington-höll, en AFP greinir frá.
Ferð hertogahjónanna hefur verið skipuð þéttri dagskrá síðan þau komu til Ástralíu á mánudag í síðustu viku og hafa þau m.a. verið í Sydney og Melbourne auk þess sem þau voru viðstödd opnunarhátíð og keppnir Invictus-leikanna, sem er hugarfóstur Harrys.
Harry var spurður hvar eiginkona hans væri þegar hann mætti einn á verðlaunaafhendingu hjólreiða á leikunum í dag. „Hún er heima að hvíla sig. Óléttan tekur sinn toll,“ hefur ástralska fréttaveitan ABC eftir honum.
Meghan, sem er 37 ára, er ófrísk af fyrsta barni sínu. Hjónin giftu sig 19. maí síðastliðinn og ríkir mikil gleði innan konungsfjölskyldunnar með væntanlegan erfingja, en barnið á að fæðast á vormánuðum. Barnið verður það sjöunda í röðinni til bresku krúnunnar.
Telur forsendur fyrir vaxtalækkun
Frambjóðendur skila inn listum í Hörpu
Skiptir miklu meira máli en fólk grunar
Gígbarmurinn hækkað frá því í gær
„Höfum ekki náð að skríða upp úr þeirri gryfju“
Hvorki sést áður hér á landi né annars staðar
Banna mengandi búnað sem leyfður er á Íslandi
Bergnuminn í Hvalfirði