Kínverjar sniðganga Dolce & Gabbana

Vörur frá ítalska lúxusmerkinu Dolce & Gabbana hafa verið fjarlægðar af kínverskum netverslunum. Ástæður þess má rekja til umdeildrar herferðar fyrirtækisins, sem og móðgandi skilaboða Stefano Gabbana. BBC greinir frá.

Dolce & Gabbana birti í vikunni myndskeið sem sýndu kínverskar fyrirsætur reyna að borða pítsu og pasta með prjónum, og hefur herferðin verið harðlega gagnrýnd fyrir að gera lítið úr kínverskri menningu og ýta undir staðalímyndir.

Tískurisinn á nú í hættu að verða útilokaður frá einum stærsta lúxusvörumarkaði heims, og hafa kínverskar stjörnur hvatt almenning til þess að sniðganga Dolce & Gabbana.

Frétt af mbl.is

Er Gabbana að missa vitið?

Það var svo aðeins til þess að bæta gráu ofan á svart þegar skilaboð, sem innihéldu móðgandi athugasemdir um kínversku þjóðina, frá öðrum stofnanda keðjunnar, Stefano Gabbana, voru gerð opinber.

Tískusýningu Dolce & Gabbana í Shanghai var aflýst fyrr í vikunni vegna ásakana um kynþáttafordóma, en forsvarsfólk fyrirtækisins hefur sagt að brotist hafi verið inn í Instagram-aðgang Dolce & Gabbana og segir fyrirtækið bera fulla virðingu fyrir Kínverjum.

• Blogga um frétt