Þórdís Karlsdóttir, 13 ára söngsnillingur úr Mosfellsbæ, var valin Jólastjarnan 2018. Þórdís söng lagið Jólasveinninn kemur í kvöld og heillaði dómnefnd upp úr skónum. Mun hún koma fram á fimm jólatónleikunum Björgvins Halldórssonar í Eldborg 20. - 22. desember og syngja þar með helstu tónlistarmönnum landsins fyrir samtals tæplega 8 þúsund gesti.
Tólf ungir og efnilegir söngvarar voru valdir af dómnefnd til að taka þátt í keppninni í ár. Dómnefndina skipuðu þau Svala Björgvins, Jóhanna Guðrún og Björgvin Halldórsson. Allir keppendur stóðu sig með prýði og munu koma fram á tónleikunum en einungis Jólastjarnan Þórdís fer með einsöng.
Hér að neðan má sjá Þórdísi syngja sigurlagið en nú er einnig komið út lagið Crazy með henni á Spotify.