Kanadíski tónlistarmaðurinn Justin Bieber og eiginkona hans, Hailey Bieber, eru búin að fresta brúðkaupsveislu sinni samkvæmt heimildum slúðurmiðilsins TMZ.
Hjónin giftu sig á seinasta ári en héldu ekki formlega brúðkaupsveislu í kjölfarið. Þau ætluðu því að bjóða fjölskyldu og vinum í athöfn og veislu 28. febrúar. Nú er hins vegar búið að fresta veisluhöldunum því að nokkrir úr fjölskyldunni komast ekki nefndan dag.
Samkvæmt heimildum TMZ verður brúðkaupsveislan ekki á næstunni heldur vilja þau gefa fjölskyldu sinni og vinum lengri fyrirvara.
Ólíklegt er að gestalistinn breytist en meðal þeirra sem var boðið í veisluna 28. eru Kylie Jenner, Travis Scott, Chris Brown, Drake og Odell Beckham Jr. Ásamt þeim er fjölskyldu Hailey einnig boðið en fjölskylda hennar, Baldwin-fjölskyldan, er sannkölluð Hollywood-fjölskylda.