Sigraði Kanye Valentínusardaginn?
Setja bókamerki
Kanye West kom eiginkonu sinni, Kim Kardashian, svo sannarlega á óvart á degi elskenda í dag þegar hann gerði sér lítið fyrir og fyllti eina stofuna þeirra af rósum. Í miðju rósahafinu stóð svo saxófón-goðsögnin Kenny G. og lék ljúfa tóna fyrir parið.
„EKKERT STÓRMÁL, KENNY G. Í STOFUNNI MINNI!!! Gleðilegan Valentínusardag,“ segir Kim á Twitter þar sem hún birtir myndskeið af uppákomunni.
Kenny tók nokkra þekkta slagara líkt og „Somewhere over the rainbow“ og líkt og sjá má á myndskeiðinu er Kanye í skýjunum, sannfærður um að hann hafi „sigrað Valentínusardaginn“ með uppátækinu.
Kim virðist að minnsta kosti vera í skýjunum þar sem hún segir í annarri færslu að Kanye eigi skilið verðlaun fyrir að vera besti eiginmaður í heimi.
Kim lét sér ekki nægja að flagga ást sinni á eiginmanninum á Twitter heldur birti hún líka mynd af þeim á Instagram þar sem hún óskar fylgjendum sínum til hamingju með daginn áður og sendir eiginmanninum ástarkveðju.
Tveir í haldi grunaðir um mansal og smygl á fólki
Eina leiðin var að fella björninn
Óánægja er með áform um efnistöku
Komu saman á kyrrðar- og bænastund
Lögreglan leitar eftir myndefni í tengslum við andlátið
Of margir nemendur og ákall um hæft starfsfólk
Vendingar vestanhafs geti haft áhrif hér heima