Friðrik Ómar fyrstur og Hatari síðastir
Setja bókamerki
Búið er að opinbera í hvaða röð lögin sem komust í úrslit Söngvakeppninnar 2019 verða flutt í Laugardalshöll 2. mars. Fimm lög keppast þar um að taka þátt fyrir Íslands hönd í Eurovision-keppninni sem fer fram í Tel Aviv í Ísrael um miðjan maí.
Greint er frá röðinni á vef RÚV en hún er sem hér segir:
Hvað ef ég get ekki elskað — Friðrik Ómar
Mama said — Kristina Bærendsen
Fighting for love — Tara Mobee
Moving on — Hera Björk
Hatrið mun sigra — Hatari
Kosið verður í tveimur umferðum en í fyrri umferðinni er kosið á milli allra laganna. Alþjóðleg dómnefnd hefur helmingsvægi á móti símakosningu almennings. Lögin sem hafna í tveimur efstu sætunum fara í einvígi um hvort þeirra verður framlag Íslands í Eurovision.
Almenningur kýs síðan á milli laganna tveggja sem komast í einvígið. Atkvæði sem þau lög hlutu í fyrri kosningunni, frá dómnefnd og almenningi, fylgja þeim inn í seinni kosningu. Stigahæsta lag kvöldsins verður framlag Íslands í keppninni í maí.
Of margir nemendur og ákall um hæft starfsfólk
Lögreglan leitar eftir myndefni í tengslum við andlátið
Grænlendingar vildu ekki fá björninn til baka
Vangaveltur gengu lengra en innistæða var fyrir
Óvenjuleg tilkynning: 19 í gæsluvarðhaldi
Björninn sagður nálægt byggð