Skaut sig óvart til bana

Justin Carter var við tökur á nýju myndbandi þegar hann ...
Justin Carter var við tökur á nýju myndbandi þegar hann lést. skjáskot/Youtube

Bandaríski kántrísöngvarinn Justin Carter skaut sig óvart til bana við tökur á tónlistarmyndbandi í Texas. Samkvæmt ABC-fréttastofunni var verið að nota skotvopnið sem Carter skaut sig með sem leikmun í myndbandinu. 

Móðir Carter, Cindy McClellen, sagði við Fox News að sonur hennar hefði verið við tökur á tónlistarmyndbandi á laugardaginn þegar hann skaut sig óvart með byssunni sem var í vasa hans. Fór kúlan að hennar sögn í höfuðið á honum. 

Carter var nýbúinn að skrifa undir samning við stóra umboðsskrifstofu og var að fara í tónleikaferðalag. 

mbl.is