Bandaríski leikarinn Chad Michael Murray sneri aftur í unglingadramað í vikunni þegar hann birtist í nýju hlutverki í þáttunum Riverdale. Riverdale eru unglingaþættir byggðir á teiknimyndasögunum um Archie.
Murray er ekki óvanur unglingadramanu en hann var aðalstjarna í þáttunum vinsælu One Tree Hill á árunum 2003-2009.
Í Riverdale er hinn 37 ára gamli Murray í hlutverki leiðtoga sértrúarsafnaðar, Edgar Evernever. Hann segir í viðtali við Cosmopolitan að hann hafi fylgst með þáttunum í nokkurn tíma og þegar honum var boðið hlutverkið hafi hann ekki verið lengi að segja já.
„Eiginkonan mín er mikill aðdáandi. Hún hám-horfði á fyrstu seríuna á innan við viku, og þegar kom á daginn var ég einnig hrifinn af þáttunum. Þetta var tækifæri til að leika og vinna með góðu fólki,“ sagði Murray.
This was a little disturbing, but it's Chad Michael Murray, I can not say anything against this.#Riverdale pic.twitter.com/HxcJWc6UKA
— Mane 🇦🇷 💚 (@alwaysreinhart) March 21, 2019