Þótti of gömul og of feit

The Good Place-stjarnan Jameela Jamil er dugleg að gagnrýna óraunhæfar útlitskröfur. Hún hélt áfram að breiða út boðskapinn í ræðu á Coachella-tónlistarhátíðinni í Kaliforníu. „Mér var sagt að ég væri of gömul, of feit og með of framandi útlit fyrir Hollywood,“ sagði leikkonan sem er ekki nema 33 ára í ræðu sinni að því er kemur fram á vef Harper's Bazaar. 

Frétt af mbl.is

Hakkaði Kardashian í spað

Jamil hefur verið dugleg að gagnrýna ímynd kvenna og ekki óhrædd við gagnrýna stórar stjörnur á borð við Kardashian-systurnar þegar þær auglýsa þyngdarlosunarvörur. 

„Það er litið á það sem bónus ef maður er aðlaðandi. Fyrir okkur er það grunnatriði hvers virði við erum. Við þurfum að vera Victoria's Secret-fyrirsæta en þeir þurfa að njóta nógu mikillar velgengni til þess að sofa hjá Victoria's Secret-fyrirsætu.“

Mælir hún svo með því að konur læri að elska sjálfar sig. Fari í ráðgjöf. Vill hún að konur eyði frekar peningunum sínum í að bjarga sjálfum sér en eitthvert andlitskrem. 

Jameela Jamil. mbl.is/AFP

• Blogga um frétt