Hakkaði Kardashian í spað

The Good Place-leikkonan Jameela Jamil var allt annað en ánægð þegar raunveruleikastjarnan og áhrifavaldurinn Khloé Kardashian birti mynd af rennisléttum maga sínum og auglýsti í leiðinni þeytinga frá fyrirtækinu Flat Tummy Co. Kardashian hélt því fram að hún sæi mikinn mun á sér eftir að hafa drukkið þeytinga frá fyrirtækinu í staðinn fyrir að borða máltíðir í tvær vikur. 

Jamil skrifaði athugasemd við mynd Kardashian og hellti sér yfir hana. Sagðist Jamil neyðast til þess að segja fólki sannleikann ef Kardashian væri ekki nógu ábyrgðarfull til þess. Taldi hún því næst upp að Kardashian væri með einkaþjálfara, næringarfræðing, líklega kokk og skurðlækni sem gæti hjálpað henni að fullkomna útlit sitt, en ekki hægðalyf.

Hún taldi svo upp aukaverkanir af vörunum sem Kardashian er að auglýsa sem hún segir flesta lækna ekki mæla með enda segir hún þeim fylgja magaverki og niðurgang. 

Hér má sjá myndina sem Kardashian birti og athugasemdina sem Jamil skrifaði undir myndina. 

• Blogga um frétt