Game of Thrones-stjarnan Emilia Clarke birti mynd á Instagram í dag þar sem hún bregður á leik með Kit Harington í glugga í íslenskri ferðamannabúð í miðbæ Reykjavíkur. Game of Thrones-stjörnurnar hafa eytt miklum tíma við tökur á Íslandi en nú er áttunda og síðasta þáttaröðin hafin.
„Fjölskyldumyndin“ skrifar leikkonan við myndina við mikla ánægju Game of Thrones-aðdáanda. Vilja sumir fá að vita hvað gerist í næsta þætti en aðrir sjá eftir því að hafa ekki stillt sér upp í glugganum með víkingunum þegar þeir sáu búðina á ferð sinni um Ísland.