Stjórinn sjálfur, Bruce Springsteen, tilkynnti í dag að hann myndi senda frá sér nýja plötu 14. júní, þá fyrstu í fimm ár. Platan mun bera heitið Western Stars og verður sú nítjánda sem Springsteen gefur út.
Fyrsta smáskífa plötunnar, Hello Sunshine, kemur út í Bandaríkjunum eftir miðnætti í kvöld að austurstrandartíma. Að sögn Springsteen ætlar hann að leita yrkisefna í amerísku þjóðarsálina og er platan innblásin af poppklassíkerum sjöunda og áttunda áratugarins frá Suður-Kaliforníu.
Þrettán lög verða á plötunni, sem kemur sem áður segir út 14. júní.