Jóhann Ólafsson skrifar frá Tel Aviv
Liðsmönnum Hatara var gríðarlega vel fagnað er þeir mættu á hótelið sitt eftir að hafa komist áfram úr undankeppni Eurovision í kvöld.
Fjölskylda þeirra og vinir tóku vel á móti þeim og brostu þeir Klemens, Matthías og félagar út að eyrum, þreyttir en afar glaðir með afrakstur kvöldsins.
Á laugardagskvöld stígur Hatari svo á svið í úrslitum keppninnar en þetta er í fyrsta sinn síðan árið 2014 sem Ísland á lag í úrslitunum.