Óljóst hvaða áhrif Game of Thrones mun hafa á íslenska náttúru

Í nýjustu seríu af þáttunum Game of Thrones má sjá íslenskri náttúru bregða fyrir í bakgrunni þar á meðal Skógarfossi og Svínafellsjökli. 

Inga Pálsdóttir forstöðumaður Íslandsstofu segir í viðtali við AP-fréttastofuna að ein sena eða ein ljósmynd geti oft sett áður óþekkta staði á kortið.

Tónlistarmyndband kanadíska tónlistarmannsins Justin Bieber hefur haft mikil áhrif á Fjaðrárgljúfur og ferðamannastaði þar í kring. Fjaðrárgljúfri var lokað í febrúar síðastliðnum í öryggisskyni og til að verjast ágangi ferðamanna. Áformað er að opna það aftur fyrir ferðamenn 1. júní næstkomandi. 

Lokunin hefur haft tilætluð áhrif og hefur umferð um svæðið minnkað. Það er hins vegar óvitað hvaða áhrif nýjasta serían af Game of Thrones muni hafa á önnur svæði. 

Svæðið við Fjaðrárgljúfur á Síðu hefur látið á sjá vegna ágangs ferðafólks síðustu ár. mbl.is/Gísli Sigurðsson

Guðmundur Ingi Guðbrandsson umhverfisráðherra sagði í viðtali við AP-fréttastofuna að það væri einföldun á málinu að kenna Justin Bieber einum um áhrifin á Fjaðrárgljúfur. Hann hvetur þó fræga einstaklinga og áhrifavalda til að hugsa um afleiðingar gjörða sinna. „Hvatvís hegðun einnar frægrar manneskju getur haft mikil áhrif á eitt svæði ef fjöldinn fylgir henni,“ sagði Guðmundur Ingi í viðtalinu. 

Frétt af mbl.is

Mikil áhersla lögð á leynd við tökur

• Blogga um frétt