Lýtaaðgerð setur strik í reikninginn

Tónlistarkonan Cardi B hefur frestað nokkrum tónleikum vegna þess að hún er enn að jafna sig eftir lýtaaðgerð sem hún fór í nú fyrir skömmu. 

Í tilkynningu frá talsmanni hennar segir að hún hafi ætlað sér of mikið svo stuttu eftir aðgerð og hafi fengið fyrirmæli frá lækni um að taka því rólega. 

Tónlistarkonan kom fram á tónlistarhátíð þann 5. maí síðastliðinn og viðurkenndi á sviði að hún hefði átt að fresta tónleikunum vegna þess að hún var í fitusogi. Cardi B mætti einnig á Met Gala þann 6. maí. 

Hún hefur látið lagfæra eitt og annað í gegnum tíðina með aðstoð lækna og talaði nýverið um brjósta lagfæringu sem hún fór í eftir barnsburð. 

Frétt af mbl.is

Sýndi nýuppgerð brjóstin

Cardi B mætti á Billboard-tónlistarverðlaunin, Met Gala og í opnunarpartý fyrir fata línu á þremur dögum í byrjun maí. AFP

• Blogga um frétt