Tónlistarkonan og tískuhönnuðurinn Rihanna sagði í viðtali við E! að hún þyrfti ekki verðlaun fyrir að vera rík. Rihanna var nýlega á topplista Forbes sem ríkasta tónlistarkonan. Blaðamaður á Fenty-viðburði í New York-borg spurði hana hvað henni þætti um að vera efst á listanum.
„Ó vá. Forbes er einn af þessum skrítnu hlutum, fattaru? Það veitir fólki verðlaun fyrir að vera ríkt eða eitthvað. Það er skrítið. Ég varð aldrei vön því, en það er þetta er alveg heiður. Þetta er fínt, fínt,“ sagði Rihanna.
Verðmæti Rihönnu eru metin á yfir 600 milljónir bandaríkjadala en hún opnaði nýlega hátískuhús í París og varð með því fyrsta svarta konan til að stjórna hátískuhúsi.