Leikkonan Jameela Jamil er síður en svo ánægð með nýjustu snyrtivöru Kim Kardashian, líkamsfarðann víðkunna.
Jamil skrifar á Twitter við auglýsingu fyrir farðann að hún muni alls ekki kaupa hann. „Fjandinn hafi alla þá vinnu sem maður þarf að leggja á sig til að taka hann af áður en maður fer að sofa svo hann eyðileggi ekki rúmfötin. Ég myndi frekar sætta mig við öll slitförin mín og exemið. Það er nógu mikil vinna að taka af sér maskarann. Sparið peninga og tíma og róið ykkur,“ skrifar Jamil á Twitter.
Hard pass. God damn the work to take it all off before bed so it doesn’t destroy your sheets... I’d rather just make peace with my million stretch marks and eczema. Taking off my mascara is enough of a pain in the arse. Save money and time and give yourself a damn break. ❤️ https://t.co/gGrbiZfH2K
— Jameela Jamil 🌈 (@jameelajamil) June 24, 2019
Jamil hjólar reglulega í auglýsingar sem þessar, sem miða að því að selja konum vörur til að fegra líkama sinn eða breyta honum á einhvern hátt. Hún skammar systur Kim, Khloé Kardashian reglulega fyrir að mæla með vörum frá Flat Tummy. Hún baunaði nýlega yfir fyrirsætuna Amber Rose fyrir að mæla með megrunartei fyrir óléttar konur.