Hélt hjónabandinu leyndu í marga mánuði

Þýska ofurfyrirsætan Heidi Klum giftist tónlistarmanninum Tom Kaulitz í febrúar og hefur haldið hjónabandinu leyndu síðan þá að því er fram kemur á vef TMZ. Kaulitz sem er þýskur eins og spúsa hans og bað hennar um síðustu jól. 

Fram kemur í opinberum gögnum að Klum og Kaulitz hafi útvegað sér hjónabandsvottorð og segja heimildarmenn að þau hafi játast hvort öðru í febrúar. Hjónin sáust saman úti að borða 22. febrúar. Klum hafði áður greint frá því að þau Kaulitz höfðu kynnst 22. febrúar árið 2018. Þykir því líklegt að þau hafi ekki bara verið að fagna árs afmæli í febrúar heldur brúðkupi.  

Klum sem er 46 ára á tvö hjónabönd að baki. Hún var lengi gift tónlistarmanninum Seal og á börn sín með honum. Þar á undan var hún gift Ric Pipiono. Kaultz sem er 29 ára á að baki eitt hjónaband.