Streat Hoerner, crossfit-kappi og nýjasti tengdasonur Íslands, var heldur óheppinn á æfingu fyrr í sumar, þar sem hann kúkaði óvart í stuttbuxurnar sínar.
Hoerner birti myndband af sjálfum sér útötuðum í skít á Instagram, en þar segir hann einnig frá æfingunni sem hann tók. Hann segir að hann hafi klárað æfinguna, annaðhvort vegna heimsku eða andlegs styrks. Á æfingunni hljóp hann 800 metra, hvíldi sig í eina mínútu og spretti svo 400 metra. Hann var á þriðju umferð af 800 metra hlaupinu þegar atvikið átti sér stað.
Hoerner er kærasti Katrínar Tönju Davíðsdóttur sem stundar einnig crossfit. Þau gerðu samband sitt opinbert á samfélagsmiðlum um helgina.
View this post on InstagramA post shared by Streat Hoerner (@streathoerner) on Jul 2, 2019 at 9:01am PDT