Swift mæmaði sín eigin lög

Taylor Swift var í miklu stuði.
Taylor Swift var í miklu stuði. mbl.is/AFP

Tónlistarkonan Taylor Swift var í miklu stuði þegar hún mæmaði eigin lög við mikla hylli partýgesta sinna á laugardaginn. Swift hélt partý til að fagna fólkinu sem hefur hjálpað henni að komast á þann stað sem hún er á í dag. 

Myllumerkið #DrunkTaylor var vinsælt á laugardagsnóttina, þegar myndbönd af tónlistarkonunni í stuði dreifðust um alnetið. Það er ekki alveg víst hvort hún hafi verið drukkin það kvöld, en hún var í það minnsta í góðu fjöri. 

Þetta hefur verið gott ár fyrir Swift. Það er ný plata á leiðinni frá henni í haust, hún var á forsíðu Vogue í september og hún sættist við Katy Perry eftir áralangt rifrildi. Það er því ekki skrítið að hún hafi slett úr klaufunum á laugardagskvöldið. 



mbl.is