Pabbahelgar eru ný íslensk sjónvarpssería sem byrjar á RÚV 6. október næstkomandi. Þættirnir fjalla um Karen, 38 ára hjónabandsráðgjafa og þriggja barna móður, sem stendur frammi fyrir erfiðum ákvörðunum um hvert hún vill stefna með líf sitt þegar hún kemst að því að eiginmaður hennar hefur verið henni ótrúr. Það versta sem hún getur hugsað sér eru svokallaðar pabbahelgar.
Nanna Kristín Magnúsdóttir framleiðir, skrifar, leikstýrir og leikur aðalhlutverkið í þáttunum sem eru eins konar gamandrama (e. dramedy) þar sem dregnar eru fram spaugilegar hliðar á dramatískum efnivið.