Leikkonan Helena Bonham Carter segir að það sé algjör tilviljun að núverandi kærasti hennar sé 21 ári yngri en hún. Bonham Carter fer nú með hlutverk Margrétar prinsessu, systur Elísabetar Englandsdrottningar, í The Crown. 

Bonham Carter er 53 ára og kærasti hennar, rithöfundurinn Rye Dag Holmboe, er 32 ára.

Líkt og áhugafólk um bresku konungsfjölskylduna veit átti Margrét prinsessa í ástarsambandi við garðyrkju- og tónlistarmanninn Roddy Llewellyn sem var 17 árum yngri en hún. Í þriðju seríu af The Crown fylgjumst við með hjónabandi Margrétar og Antony Armstrong-Jones líða undir lok og ástarsambandi Margétar og Llewellyn hefjast.

Bonham Carter segir þessi líkindi milli hennar og persónu hennar í þáttunum vera algjöra tilviljun. „Það skrítið samt. Þetta var skrítin tímasetning að aldursbilið sé svipað hjá mér og henni, en ég held að það hefði samt gerst hvort sem ég var að fara með hlutverk hennar eða ekki,“ segir Bonham Carter.

Leikkonan sagði að hún hefði engar áhyggjur af aldursmuninum. „Allir eldast á mismunandi hraða. Kærastinn minn er ótrúlega þroskaður. Hann er gömul sál í ungum líkama, hvað meira get ég beðið um? Sumir eru hræddir við eldri konur, en hann er það ekki. Konur geta verið mjög kraftmiklar þegar þær eru eldri. Af hverju getum við ekki verið kynferðislega aðlaðandi einmitt þegar eggin okkar eru útrunnin? Það er í rauninni miklu skemmtilegra því við erum lausar við hræðsluna, það eru engar afleiðingar, þetta er bara allt til gamans gert,“ sagði Bonham Carter í viðtali við The Times.

Tengdar fréttir

The Crown

Falin Crown-perla í ensku sveitinni

• Vinkona drottningar segir þættina þvælu
• „Letilega skrifuð“ fimmta þáttaröð
• Fimmta og umdeildasta þáttaröðin í loftið
• Bæta við merkingu á Crown-stikluna

» Fleiri tengdar fréttir

• Blogga um frétt