Systir George Michael látin

Melanie Panayiotou, systir tónlistarmannsins George Michael, er látin 55 ára að aldri. Panayiotou lést á jóladag, þremur árum upp á dag eftir að bróðir hennar lést. BBC greinir frá. 

Fjölskylda hennar staðfesti í tilkynningu að Panayiotou hefði orðið bráðkvödd en vildi að öðru leyti ekki tjá sig um andlát hennar. 

George Michael lést á jóladag árið 2016 á heimili sínu í Goring-on-Thames í Oxfordshire.

Frétt af mbl.is

George Michael látinn

Panayiotou tjáði sig um jólamyndina Last Christmas sem byggð er á tónlist bróður hennar, en myndin kom út núna fyrir jólin. „Við fjölskyldan vonum að þið njótið þess að horfa á myndina og njótið tónlistar George sem er fallega samtvinnuð við ævintýri um ást og sjálfsást,“ sagði hún.

Móðir þeirra systkina, Lesley, lést árið 1997 en faðir þeirra Kyriacos, betur þekktur sem Jack, er enn á lífi sem og elsta systir þeirra Yioda sem er 57 ára.

• Blogga um frétt