Tónlistarkonan Rihanna er sögð hætt með kærasta sínum, Hassan Jameel, að því fram kemur á vef Us Weekly. Fyrst fréttist af sambandi parsins sumarið 2017 en þá höfðu þau verið að hittast í nokkra mánuði.
Parið hefur farið leynt með samband sitt en í fyrrasumar talaði söngkonan um sambandið. Viðurkenndi hún að vera ástfangin en vildi lítið tala um hvort þau ætluðu að gifta sig.
Hassan Jameel er frá Sádi-Arabíu og þegar hann og Rihanna voru nýbyrjuð saman var hann metinn á 1,5 milljarða Bandaríkjadala. Fjölskylda Jameel var sögð ein ríkasta fjölskylda heims en fjölskyldan átti meðal annars stóran hlut í bílaframleiðandanum Toyota.