Leikkonan Demi Moore og elsta dóttir hennar, hin 31 árs gamla Rumer Willis, verja miklum tíma saman þessa dagana. Willis er elst af þremur dætrum Moore og er töluverður svipur með þeim mæðgum.
Mæðgurnar mættu saman í veislu Vanity Fair eftir Óskarsverðlaunahátíðina í byrjun febrúar. Voru þær mæðgur mjög líkar og virtust ekki vera 26 ár á milli þeirra.
Þær mættu einnig saman á tískusýningu Tom Ford 7. febrúar.
Á Valentínusardaginn 14. febrúar birti Moore mynd af sér og dætrum sínum þremur á Instagram. Þar má sjá Rumer, Scout og Talluluh Willis með móður sinni. Er sú yngsta, Tallulah, ekki með dökkt hár eins og hinar konurnar í fjölskyldunni og sker sig aðeins úr.