Beatrice prinsessa aflýsir brúðkaupinu
Setja bókamerki
Ekkert verður af konunglegu brúðkaupi Beatrice prinsessu og unnusta hennar Edoardos Mapellis Mozzis í vor. Prinsessan hefur aflýst brúðkaupsveislunni vegna útbreiðslu kórónuveirunnar og áhrifa hennar á samfélagið. BBC greinir frá.
Brúðkaupið átti að fara fram 29. maí næstkomandi. Athöfnin átti að fara fram í St. James Palace í London og veislan átti að fara fram í görðum Buckinghamhallar.
Að sögn talskonu hallarinnar var þessi ákvörðun meðal annars tekin með tilliti til eldri gesta sem áttu að koma í brúðkaupið, eins og ömmu og afa Beatrice, Elísabetar Englandsdrottningar og Filippusar, sem bæði eru komin yfir nírætt.
Verið er að skoða hvort fámenn athöfn geti farið fram á settum degi. Beatrice er dóttir Andrésar Bretaprins.
Miklar vangaveltur hafa þá verið um hvort brúðkaupið hefði getað farið fram þar sem fjölskylda brúðgumans er búsett í Langbarðalandi á Ítalíu en héraðið hefur farið hvað verst út úr veirunni.
/frimg/1/16/8/1160859.jpg)
Grænlendingar vildu ekki fá björninn til baka
Of margir nemendur og ákall um hæft starfsfólk
Davíð Viðarsson var skyndihugdetta
Lögreglan leitar eftir myndefni í tengslum við andlátið
Finnar og Svíar taka ekki á móti særðum frá Gasa
Vendingar vestanhafs geti haft áhrif hér heima
Vangaveltur gengu lengra en innistæða var fyrir