Síðasti þátturinn af Heima með Helga var síðasta laugardag. Þar tók Helgi Björnsson söngvari á móti gestum ásamt Reiðmönnum vindanna.
Egill Ólafsson söngvari var meðal gesta. Hann tók lagið Það brennur, sem er eitt af hans vinsælustu lögum. Söngkonan Diddú syngur lagið með honum á plötunni en það varð allt vitlaust í sjónvarpssal þegar Diddú mætti skyndilega. Twitter-síðan logaði og fólk bara táraðist yfir flutningnum.