Edda Hermannsdóttir og Ríkharður Daðason urðu heitasta stjörnuparið á landinu vorið 2017. Edda er vel þekkt úr fjölmiðlum og starfaði á RÚV um tíma. Edda starfar hjá Íslandsbanka og gaf nýverið út bókina Framkoma.
Golfið heillar Eddu eins og svo marga á þessum árstíma. En hún birti færslu nýverið á samfélagsmiðlum þar sem hún þakkar tengdamömmu sinni Ragnheiði Ríkharðsdótttur, fyrrverandi alþingismanni, árangurinn í golfi, enda virðist hún passa upp á fjölskylduna og sjá fyrir nestinu á vellinum.
„Besti hringurinn hingað til í dásamlegum félagsskap. Forgjöfin lækkaði í fyrsta sinn enda sá tengdó um nestið á þriðju holu sem gerði líklega galdurinn.“
Ástin virðist blómstra hjá Eddu og Ríkharði, en hann var sigursælasti landsliðsmaðurinn í knattspyrnu á árunum í kringum aldamótin. Bókin hennar Eddu, Framkoma, hefur fengið góðar viðtökur. Þar má finna hagnýt ráð sem nýtast í daglega lífinu þegar koma skal fram eða halda skal erindi fyrir almenning.