Leikarinn Brian Austin Green sást um helgina á veitingastað í Los Angeles í Bandaríkjunum með raunveruleikastjörnunni Courtney Stodden. Green stendur nú í skilnaði við eiginkonu sína Megan Fox en þau tilkynntu um skilnað sinn fyrir um mánuði.
Samkvæmt heimildum People sóttu Green og Stodden matinn á veitingastaðinn en Green hafði þá þegar greitt fyrir matinn. „Þau litu ekki út fyrir að vera í sambandi,“ sagði heimildarmaður People.
Green og Fox tilkynntu um skilnað sinn stuttu eftir að Fox sást á rúntinum með mótleikara sínum Machine Gun Kelly.
Þau Green og Fox höfðu verið gift í tæplega 10 ár og eiga þrjá syni saman.
Stodden er nýlega fráskilin en hún var gift leikaranum Doug Hutchinson. Hún tilkynnti að skilnaður þeirra hefði gengið formlega í gegn 3. mars síðastliðinn.