Sækir um skilnað eftir þriggja ára hjónaband

Cardi B hefur sótt um skilnað við Offset.
Cardi B hefur sótt um skilnað við Offset. AFP

Tónlistarkonan Cardi B hefur sótt um skilnað við eiginmann sinn, tónlistarmanninn Offset. Parið gifti sig í leyni árið 2017 og á saman tveggja ára dótturina Kulture. 

Samkvæmt gögnum í málinu hefur Cardi óskað eftir fullu forræði yfir dóttur þeirra og vill fá meðlag frá Offset. BBC greinir frá.

Cardi sótti um skilnað í gær, þriðjudag, í heimaríki sínu Georgíu, hvar þau hafa verið búsett síðustu mánuði. 

Hún óskaði eftir því að eignum þeirra yrði skipt til helminga. 

Ýmislegt hefur gengið á í hjónabandi þeirra Cardi B og Offset en þau hætti tímabundið saman í desember 2018. Þá gengu sögusagnir um að Offset hefði haldið fram hjá henni. Hann bað hana opinberlega afsökunar á tónleikum. 

Í viðtali við Cosmopolitan sagðist hún svo vilja taka við honum aftur og vinna í sambandinu. Hún sagði að það sem hann hefði gert hefði ekki verið rétt en hún væri enginn engill sjálf. 

mbl.is

Stjörnuspá »

Hrútur

Sign icon Það háir þér hvað þú þráir að kaupa einhvern fjandann í dag. Njóttu þess með ástvinum þínum því þú hefur svo sannarlega unnið fyrir því.

Stjörnuspá »

Hrútur

Sign icon Það háir þér hvað þú þráir að kaupa einhvern fjandann í dag. Njóttu þess með ástvinum þínum því þú hefur svo sannarlega unnið fyrir því.